संस्थेविषयी

सुख म्हणजे आर्थिक स्थेर्य, आणि हे सुख समाजातील प्रत्येक घटकाचा समान अधिकार आहे. सहकार क्षेत्राच्या माध्यमातून हा हक्क प्रत्येकाला मिळवून देण्याच्या हेतूने, अखंड महाराष्ट्राचे आराध्य दैवत आई जगदंबा तुळजाभवानीच्या कृपा आशीर्वादाने तुळजाभवानी अर्बनची स्थापना बीड जिल्ह्यातील माजलगाव शहरात करण्यात आली. तेव्हा पासून आजतागायत १८ वर्षे होऊन गेली, संस्था आपले कार्य अविरतपणे करत आहे. समाजातील आर्थिक दृष्ट्या दुर्बल घटकांना अर्थ सहाय्य देऊन बँकिंगच्या मुख्य प्रवाहात आणण्यात संस्थेचा मोलाचा वाटा आहे.

सेवा, सुविधा व विश्वासाच्या बळावर आज संस्थेचे 1,50,000 समाधानी ग्राहक आहेत आणि दर दिवशी हा आकडा वाढतो आहे. ग्राहकांच्या याच प्रेम व विश्वासामुळे आम्ही महाराष्ट्र व कर्नाटक मधील अनेक जिल्ह्यात 21 शाखा विस्तारित करू शकलो आणि भविष्यात अजूनही शाखा वाढीचा मानस आहे. ग्राहकांच्या सोई करीता असंख्य अत्याधुनिक सुविधा आणि जोडीला सर्व शाखेत गुण संपन्न, प्रशिक्षत कर्मचारी तत्पर सेवा देण्यास कार्यरत आहेत. ज्यातून ग्राहकांना उत्तम सेवा आणि समाजातील सुशिक्षित बेरोजगार तरुणांना संस्थेत नोकरी करण्याची संधी मिळते. परिणामी, 300 हुन अधिक कुटुंबाना आधार देऊन, त्यांचा उदर निर्वाह करण्याचे सत्कार्य संस्थेच्या माध्यमातून होत आहे. सोबतच, समाजाप्रती आपले कर्तव्य म्हणून संस्था वेळोवेळी काही सामाजिक उपक्रम देखील राबवते. जसे की, आरोग्य शिबीर, रक्तदान शिबीर, ग्रामीण भागातील शाळेत शैक्षणिक साहित्य वाटप, शहरातील स्वछतेसाठी कचराकुंडी वाटप, इत्यादी. एकंदरीत, 'जिथे कमी तिथे आम्ही' हीच संस्थेची भूमिका असते.

छोट्याशा रोपट्या पासून झालेली ही सुरवात आज ग्राहकांच्या सहकार्य, विश्वास आणि थोरा मोठयाच्या आशिर्वादामुळे भव्य वटवृक्षात रूपांतरित झाली आहे. येत्या काळातही ग्राहकांना तुळजाभवानी संस्थेमार्फत आम्ही सावली रुपी सर्वोत्तम सेवा देण्याची हमी देतो.